---
title: "തിരുവനന്തപുരത്ത് കാണാതായ രണ്ടു വയസുകാരി കിണറ്റിൽ മരിച്ച നിലയിൽ ; സംഭവത്തിൽ ദുരൂഹത"
english_title: "Two-year-old girl missing in Thiruvananthapuram found dead in well; Mystery in the incident"
publisher: "panoornews.in"
canonical_url: "https://panoor.truevisionnews.com/news/266781/Two-year-old girl missing in Thiruvananthapuram found dead in well; Mystery in the incident"
published_at: "2025-01-30T09:29:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/679af92bb6116_1000564529.jpg"
keywords: []
---

# തിരുവനന്തപുരത്ത് കാണാതായ രണ്ടു വയസുകാരി കിണറ്റിൽ മരിച്ച നിലയിൽ ; സംഭവത്തിൽ ദുരൂഹത

> **Lead Summary:** ബാലരാമപുരത്ത് കാണാതായ രണ്ടുവയസ്സുകാരിയെ കിണറ്റില്‍ മരിച്ച നിലയില്‍ കണ്ടെത്തി. ഫയര്‍ഫോഴ്‌സ് നടത്തിയ പരിശോധനയിലാണ് കുഞ്ഞിനെ മരിച്ച നിലയില്‍ കിണറ്റില്‍ കണ്ടത്. കുട്ടിയുടെ മരണത്തിൽ ദുരൂഹത ഉണ്ടെന്ന് പൊലീസ്.

## Article Content

ബാലരാമപുരത്ത് കാണാതായ രണ്ടുവയസ്സുകാരിയെ കിണറ്റില്‍ മരിച്ച നിലയില്‍ കണ്ടെത്തി. ഫയര്‍ഫോഴ്‌സ് നടത്തിയ പരിശോധനയിലാണ് കുഞ്ഞിനെ മരിച്ച നിലയില്‍ കിണറ്റില്‍ കണ്ടത്. കുട്ടിയുടെ മരണത്തിൽ ദുരൂഹത ഉണ്ടെന്ന് പൊലീസ്.

കോട്ടുകാല്‍കോണത്താണ് സംഭവം. ശ്രീതു-ശ്രീജിത്ത് ദമ്പതികളുടെ മകള്‍ ദേവനന്ദയെയാണ് ഇന്ന് രാവിലെ മുതല്‍ കാണാതായത്. ഉറങ്ങിക്കിടന്ന കുട്ടിയെ രാവിലെ മുതല്‍ കാണാനില്ലെന്നായിരുന്നു രക്ഷിതാക്കളുടെ പരാതി.

ദാരുണമായ സംഭവമാണെന്ന് എം വിൻസെന്‍റ് എംഎല്‍എ പ്രതികരിച്ചു. രാവിലെ അഞ്ച് മണിയോടെയാണ് കുഞ്ഞിനെ കാണാതാവുന്നത്. സമാനമായ സമയത്ത് വീട്ടില്‍ സഹോദരങ്ങളുടെ മുറിയില്‍ തീപിടിത്തം ഉണ്ടായിരുന്നു.

താന്‍ വീട്ടിലെത്തുന്ന സമയത്ത് മണ്ണെണ്ണയുടെ മണം ഉണ്ടായിരുന്നുവെന്നും എം വിന്‍സെന്‍റ് എംഎല്‍എ പ്രതികരിച്ചു.

കുഞ്ഞ് ഒറ്റയ്ക്ക് പോയി കിണറ്റില്‍ വീഴില്ലെന്ന് ഉറപ്പാണ്. ഒരിക്കലും ഒറ്റയ്ക്ക് പോകില്ല. അത് വിശ്വസനീയമല്ല. ആള്‍മറയുള്ള കിണറാണെന്നും എംഎല്‍എ സൂചിപ്പിച്ചു.

### Related Links & Sources
- [Original Story Source](https://panoor.truevisionnews.com/news/266781/Two-year-old girl missing in Thiruvananthapuram found dead in well; Mystery in the incident)